Page 5 - aoton-2013
P. 5

Po fîtâ sti l'anniverséro, lo 2 de noveimbro 2013 à Savegnî,
         tot l'a ètâ preparâ âo pecolon. Faut d'à premî bin remachâ
         Henri  Niggeler  ,  vice-presideint,  que  s'è  dèpeinsâ  sein
         comptâ du grand tein po èmaginâ onna reincontra  aleinto
         dâi  tsant  ein  patois  composâ  po  lè  fîtè  dâi  vegnolan  dâi
         z'autro yâdzo, dan lè zännâïe 1747, 1750,1789, 1791, 1797,
         1819, 1833, 1889, 1905, 1927, tsantâ pè Lè Sansounet, la
         chorâla  Acratopège,  Plaisir  de  chanter  (5  armailli  de  la
         Grèvîre),  Bernard  Rinsoz  qu'a  tsantâ  La  Tsanson  dâo
         Tserroton,  Les  Fifres  et  Tambours  de  Montreux  îrant
         assebin lé et ant djuvî. - Ein a-te z'u à tsertsî, à rebouillî
         dein  dâi  vîlyo  papâi,  à  lyère,  ècrere,  esplliquâ,  organisâ,

         reincontrâ  dâi  précaud,  distiutâ,  eimparâ  lo  patois  et  l'è
         Henri Niggeler  qu'a tot prâi su li. Marienna, sa fenna, la
         breinna-bré dâi Sansounet, a recordâ, mèliorâ sè Sansounet
         senanna  aprî senanna, avoué onna pacheinça de ne sein la
         parâire. De bî savâi que Sansounet et Sansounette ant prîtâ
         la  man    dinse  que  dâi  damè  payisanne  dâi  z'einveron  po
         que tot l'aule quemet su dâi ruvette. Sè sant trètî dèvortolyî
         âo pi fére po que la fîta sâi balla et rèusse. Et l'a rèussâ on
         pâo pas mî.
         Aprî  onna  tenâblya  la  vêprâ,  yô  que  lo  presideint  de
         l'AVAP,  Bernard  Gloor,  a  fèlicitâ  lè  patoisan  et  sohitâ
         bouna  santâ  âo  patois  vaudois,  dâi  represeinteint  dâi
         z'autoritâ, dâi dèlègâ dâi sociètâ de patoisan ant apportâ dâi
         fèlicitachon à l'AVAP ein lâi sohiteint tot dè bon po lè z'an
         que vîgnant. Pè vè lè 16 hâorè Les Fifres et Tambours l'ant
         eimbantsî onna parârda contro lo vîlyo collîdzo de Savegnî

         	                             4	
   1   2   3   4   5   6   7   8   9   10